გრეგ პოპოვიჩმა “სან ანტონიო სპურზთან” ახალი ხანგრძლივი კონტრაქტი გააფორმა. ამის შესახებ ტეხასური კლუბის ოფიციალური ვებ-გვერდი იტყობინება.

გარიგების ფინანსური დეტალები არ ხმაურდება, თუმცა, ნათელია, რომ სახელოვანი სპეციალისტი პირობებით უკმაყოფილო არ დარჩებოდა, მისი ხელმძღვანელობით ხომ “სპურზმა” გასულ სეზონში ჩემპიონის ტიტული მოიპოვა.

ბარემ აქვე ვთქვათ, რომ “სან ანტონიო” სერიოზულად არის დაინტერესებული პაუ გასოლის გადაბირებით. 33 წლის ესპანელი კალათბურთელი თავისუფალი აგენტი გახლავთ და მისი საკუთარ რიგებში ხილვა “ჩიკაგოს” და “ოკლაჰომა სიტისაც” სურთ.

შეგახსენებთ, რომ გასოლმა გასული სეზონი “ლეიკერსში” გაატარა და საშუალოდ 17.4 ქულას, 9.7 მოხსნას და 3.4 პასს აგროვებდა.