მადრიდის „რეალი“ თანაქალაქელ „ატლეტიკოსთან” გასამართ უეფას ჩემპიონთა ლიგის ფინალს სავარაუდოდ ცენტრალურ მცველ პეპეს გარეშე ჩაატარებს. პორტუგალიელ ფეხბურთელს ჯვარედინი მყესების ტრავმა აწუხებს და ექიმების წინასწარი დიაგნოზით, სეზონის უმნიშვნელოვანეს შეხვედრაში მისი მონაწილეობა თითქმის გამორიცხულია.
პეპეს ბოლო შანსი დღეს ჩასატარებელი სამედიცინო გამოკვლევაა, რომელზეც უფრო ნათლად გამოჩნდება ტრავმის სიმძიმე.
