“მანჩესტერ სიტის” მთავარ მწვრთნელ მანუელ პელეგრინის უეფასგან სანქცია ელის. სადისციპლინო კომიტეტი სპეციალისტის მიერ ჩემპიონთა ლიგის პირველი მერვედფინალური მატჩის შემდეგ გაკეთებულ კომენტართან დაკავშირებით იმსჯელებს.

პელეგრინიმ “ბარსელონასთან” წაგების (0:2) შემდეგ ჟურნალისტებს უთხრა, რომ შედეგი მნიშვნელოვანწილად მსაჯის - იუნას ერიქსონის მიკერძოებულმა გადაწყვეტილებებმა განაპირობა და იქვე დასძინა, ამ მსაჯის “სიტისა” და “ბარსელონას” თამაშზე დანიშვნა შეცდომა იყოო.

პელეგრინის საქმეს დისციპლინარები 28 თებერვალს განიხილავენ.