“ზესტაფონმა” სერბ მეკარე ბოიან პავლოვიჩთან კონტრაქტი გააფორმა. ზესტაფონელთა პრესამსახურის ინფორმაციით, 27 წლის ფეხბურთელმა ქართულ კლუბს ბედი ორწელიწადნახევრით (ნახევარი წელი პლუს ორი) დაუკავშირა. ბოლოს პავლოვიჩი სერბეთში ბელგრადის ოფკ-ში გამოდიოდა.

“ზესტაფონმა” ზამთრის სატრანსფერო პერიოდში ომარ მიგინეიშვილი მიიწვია და ორწლიანი კონტრაქტი გაუფორმა. თუმცა, ეს ტრსანსფერი საბოლოოდ არ შედგა, რადგან მიგინეიშვილისთვის იმერული კლუბი წლის განმავლობაში მე-3 იქნებოდა, რაც ფიფას წესებით აკრძალულია. შედეგად, მიგინეიშვილი თბილისის “დინამოში” დაბრუნდა, ხოლო “ზესტაფონმა” პავლოვიჩი მიიწვია.