საფრანგეთის საკალათბურთო ნაკრების ლიდერი ტონი პარკერი ქვეყნის 2013 წლის საუკეთესო სპორტსმენად დაასახელეს. ტონის სპეციალური პრიზი L’Equipe-მა გადასცა.

შეგახსენებთ, რომ პარკერის წინამძღოლობით, წლეულს საფრანგეთის ნაკრებმა ისტორიაში პირველად ევროპის ჩემპიონატს მოგება მოახერხა, “სან ანტონიო სპურზთან” ერთად კი მან ნბა-ს ფინალში ითამაშა.

ცნობისთვის, ტონი უკვე გახლდათ საფრანგეთის საუკეთესო სპორტსმენი 2003 წელს, როდესაც ნბა-ს საჩემპიონო ბეჭედი პირველად მოიგო.