მილანის “ინტერის” ახალწვეულმა, პაბლო ოსვალდომ, ახალ კლუბსა და ამბიციებზე ისაუბრა. ფორვარდის კომენტარს Gazzetta dello Sport ავრცელებს.

მიუხედავად იმისა, რომ ეს ტრანსფერი ჯერჯერობით არ დადასტურებულა, ოსვალდო “ინტერს” უკვე თავის კლუბად მოიხსენიებს:

“ინტერში” გადმოსვლით ბედნიერი ვარ. ჯერჯერობით, სამედიცინო შემოწმება არ გამივლია, ამიტომ ბევრ საუბარს არ ვაპირებ.

იმედი მაქვს, როდრიგო პალასიოსთან და მაურო იკარდისთან მალე შევთამაშდები. რაც შეეხება ჩემს ამბიციებს, გუნდთან ერთად სკუდეტოს მოგება მსურს”, - განაცხადა ოსვალდომ.

აღნიშნული ტრანსფერი, შესაძლოა, “ინტერმა” და “საუთჰემპტონმა” დღესვე დაადასტურონ.

ლევან გოგოტიშვილი