მადრიდის “რეალის” აწ უკვე ყოფილი შემტევი, ანხელ დი მარია, “მანჩესტერ იუნაიტედში” განაგრძობს კარიერას. ტრანსფერი “წითელი ეშმაკების” ოფიციალურმა ვებგვერდმა დაადასტურა.

“იუნაიტედმა” არგენტინელში 59.7 მილიონი გირვანქა გადაიხადა და მას ხუთწლიანი კონტრაქტი გაუფორმა.

“ბედნიერი ვარ “მანჩესტერში” გადასვლით. ესპანეთში ყოფნისას, ჩემით ბევრი კლუბი ინტერესდებოდა, მაგრამ მადრიდს მხოლოდ “იუნაიტედის” გამო დავტოვებდი.

ლუის ვან გაალი დიდებული მწვრთნელია და მოხიბლული ვარ, მისი მიღწევებით. “მანჩესტერი” მოწინავე პოზიციებზე დაბრუნდება, იქ სადაც ამ უდიდესი კლუბის ადგილია“. - ციტირებს ანხელ დი მარიას სიტყვებს “მანჩესტერის” ოფიციალურ ვებგვერდი.

შეგახსენებთ, რომ არგენტინელი “რეალში” 2010 წლიდან თამაშობდა. მის  ანგარიშზე, 190 ჩატარებული შეხვედრა და 36 გოლია. დი მარიამ, “რეალის” რიგებში, ჩემპიონთა ლიგა, ლა ლიგა, ესპანეთი თასი (2-ჯერ), ესპანეთის სუპერთასი და ევროპის სუპერთასი მოიგო.


ირაკლი ალიმბარაშვილი