იტალიელი სპეციალისტი კარლო ანჩელოტი მადრიდის “რეალის” მთავარი მწვრთნელი ოფიციალურად გახდა. ესპანური პრესის ინფორმაციით, 54 წლის ანჩელოტიმ მადრიდულ კლუბთან კონტრაქტი 2016 წლამდე გააფორმა.

განვლილი სეზონი ანჩელოტიმ ფრანგულ პსჟ-ში გაატარა, რომელსაც საფრანგეთის ჩემპიონობა მოაგებინა. პარიზულ კლუბში იტალიელს საფრანგეთის ეროვნული ნაკრების ყოფილი თავკაცი ლორან ბლანი შეცვლის.

ანჩელოტის “მილანთან” ერთად იტალიის ჩემპიონატი, თასი და სუპერთასი მოუგია. გარდა ამისა, მისი ხელმძღვანელობით “როსონერიმ” 2-ჯერ ჩემპიონთა ლიგაში გაიმარჯვა, ამდენჯერვე ევროპის სუპერთასი მოიპოვა და ერთხელ მსოფლიოს საკლუბო ჩემპიონატში იპირველა.

ლონდონის “ჩელსის” ანჩელოტომ ინგლისის პრემიერლიგა და ასოციაციის თასი მოაგებინა.