“პორტუს” ხელმძღვანელობამ მადრიდის “ატლეტიკოსთან” ადრიან ლოპესის ტრანსფერის თაობაზე მოლაპარაკებები წარმატებით დაასრულა. “დრაკონების” ოფიციალური საიტის ცნობით, 26 წლის ესპანელი მომდევნო სეზონიდან “დრაგაუზე” იასპარეზებს.

პორტუგალიელები ტრანსფერის ფინანსურ დეტალებს არ ახმაურებენ, მაგრამ ადრიანის შეძენას ადასტურებენ. ესპანელი ახალ გუნდთან ერთად ჰოლანდიაში შეკრებაზე გაემგზავრება.

ცნობისათვის, გასულ სეზონში, ადრიანმა მადრიდელთა მაისურით 39 მატჩი ჩაატარა და 3 გოლი მიითვალა.