“ჩიკაგო ბულსის” ცენტრი ჟოაკიმ ნოა 2013-14 წლების სეზონის დაცვითი ყაიდის საუკეთესო მოთამაშედ აღიარეს. აღნიშნულის შესახებ ეროვნული საკალათბურთო ასოციაციის (NBA) ოფიციალური ვებ-გვერდი იტყობინება.

ნოამ 125 შესაძლებელი პირველი ადგილიდან სპორტული ჟურნალისტებისგან 100 მიიღო და ჯამში 555 ქულა მოაგროვა. მე-2 ადგილზე “ინდიანა პეისერზის” ცენტრი როი ჰიბერტი (166 ქულა, 8 პირველი ადგილი) გავიდა, მესამეზე კი – “ლოს ანჟელეს კლიპერსის” ცენტრი დეანდრე ჯორდანი (121 ქულა, 8 პირველი ადგილი).

რეგულარულ სეზონში 29 წლის ნოას საშუალო მაჩვენებლები 12.6 ქულა, 11.3 მოხსნა, 5.4 პასი, 1.2 ჩაჭრა და 1.5 დაფარება გახლდათ.