როგორც “მსოფლიო სპორტმა” უკვე გაუწყათ, “ნიუკასლ იუნაიტედი” “ლიონიდან” ალექსანდრ ლაკაზეტის შეძენას ცდილობს

გუშინ L’Equipe–მა გაავრცელა ინფორმაცია, რომ ინგლისელებმა “ლიონს” კონკრეტული წინადადებით მიმართეს. უცნობია, რა თანხაზეა საუბარი, მაგრამ ამავე გამოცემის ცნობით, ფრანგულმა მხარემ აღნიშნული შეთავაზება დაბლოკა.

შეგახსენებთ, რომ რამდენიმე დღის წინ “ლიონმა” ლაკაზეტს ფასი დაადო და განაცხადა, რომ ახალგზარდა შემტევი 20 მილიონი ევრო ღირს.

23 წლის ლაკაზეტმა ლიგა 1-ს გასულ გათამაშებაში 36 მატჩი ჩაატარა და 15 გოლი გაიტანა.

ლევან გოგოტიშვილი