მოლდოვას დედაქალაქ კიშინიოვში დასრულდა ვიაჩესლავ ჩებანენკოს სახელობის საერთაშორისო საჭადრაკო ფესტივალი სწრაფ ჭადრაკში, რომელშიც მონაწილეობას ქართველი გაიოზ ნიგალიძეც (2421) იღებდა.

ასპარეზობამ 31 მარტს აიღო სტარტი და 2 აპრილს დასრულდა. ყველაზე ძლიერ “ა” ტურნირში 7 ქვეყნის 37 მოჭადრაკე მონაწილეობდა. მათ შორის ვლადიმირ მალახოვი (რუსეთი, 2777), ალექსეი შიროვი (ლატვია, 2742), ვიქტორ ბოლოგანი (მოლდოვა, 2680) და მსოფლიოს ექსჩემპიონი ჟუ ჩენიც (ჩინეთი, 2438) იყვნენ.

შეჯიბრში პირველობა 9-დან 7 ქულით მასპინძელთა  წარმოამდგენელმა ვიქტორ ბოლოგანმა (2680) მოიპოვა.

6.5 ქულით II-VI  ადგილები გაინაწილეს: მალახოვმა, შიროვმა, იური  კუზუბოვმა (უკრაინა, 2583) და ვიტალი ბერნარდსკიმ (უკრაინა, 2552).

აღსანიშნავია, საქართველოს 2013 წლის ჩემპიონის გაიოზ ნიგალიძის წარმატებული თამაში, რომელსაც მე-14 განთესვა გააჩნდა. ბათუმელმა მოჭადრაკემ 6 ქულით VI-VII  ადგილები გაინაწილა და საკუთარ რაპიდ-რეიტინგს 42 ქულა შემატა.