“მანჩესტერ სიტის” ახალწვეული ალვარო ნეგრედო პრემიერლიგის ერთ-ერთ უმთავრეს ვარსკვლავზე, გარეთ ბეილზე, ესპანეთის ეროვნულ ნაკრებზე, ასევე ინგლისისა და ესპანეთის ჩემპიონატების შედარებაზე საუბრობს.
“ბეილი ლიონელ მესისა და კრიშტიანუ რონალდუს დონეზე ჯერ არაა. მომავალში, მას ამის შანსი აქვს, რადგან ის არაერთ შესანიშნავ თვისებას ფლობს.”
“ესპანეთის ეროვნულ ნაკრებში თამაში, ჩემთვის, ყოველთვის დიდი პატივია. თუმცა, ახლა, ასეთი თამაშებისთვის იდეალური დრო არაა, რადგან ახალი სეზონისთვის ვემზადებით.”
“ინგლისში იმიტომ გადმოვედი, რომ აქაურ ჩემპიონატში უფრო დიდი კონკურენციაა, ვიდრე ლა ლიგაში. პრემიერლიგა უფრო ორგანიზებულია.” – ციტირებს ნეგრედოს სიტყვებს Marca.
შეგახსენებთ, რომ ალვარო ნეგრედო “სიტიში” “სევილიადან” 20 მილიონი ფუნტის სანაცვლოდ გადავიდა.
