ლონდონის “ჩელსის” მთავარმა მწვრთნელმა ჟოზე მოურინიომ ბრიტანულ სპორტულ გამოცემებს უთხრა, რომ პრემიერლიგის საჩემპიონო ბრძოლაში “მანჩესტერ იუნაიტედის” ნაადრევად ჩამოწერა არაფრით არ შეიძლება. პორტუგალიელი სპეციალისტის აზრით, დევიდ მოიესის გუნდი ბოლოდროინდელი წარუმატებლობის მიუხედავად, მაინც ერთ-ერთი ფავორიტია.

“ვერაფრით დავეთანხმები იმათ, ვინც ფიქრობს, რომ “მანჩესტერ იუნაიტედი” უკვე გამოაკლდა უმაღლესი ტიტულისთვის მებრძოლი გუნდების რიგებს. რა თქმა უნდა, სიტუაცია ძალიან გაირთულა, მაგრამ კრიზისის სწრაფად დაძლევის ძალა ნამდვილად შესწევს” – განაცხადა მოურინიომ.

გუშინ “მანჩესტერ იუნაიტედმა” საკუთარ მოედანზე “ევერტონთან” 0:1 წააგო და 14 ტურის თავზე 28 ქულით მე-3 ადგილზეა. ლიდერ “არსენალს უკვე 12 ქულით ჩამორჩება, ხოლო მეორე ადგილოსან “ჩელსის” – 2 ქულით.