ლონდონის “ჩელსის” მთავარი მწვრთნელი ჟოზე მოურინიო “სუონსისთან” მოგებით (1:0) კმაყოფილი დარჩა.

“კმაყოფილი ვარ. 3 ქულა ავიღეთ და მეტოქეს გოლის გატანის საშუალება არ მივეცით. ძალიან მომეწონა ის ფაქტი, რომ ძლიერ მეტოქესთან თამაშის მიმდინარეობას 75-80 წუთის განმავლობაში ვაკონტროლებდით.

ბევრი მომენტი შევქმენით და კიდევ გატანა გვმართებდა, რაც უფრო კომფორტულ სიტუაციას შეგვიქმნიდა. მინიმუმ 2:0 ან 3:0 უნდა მოგვეგო.” – განაცხადა მოურინიომ მატჩის შემდეგ.