ლონდონის “ჩელსის” მთავარი მწვრთნელი ჟოზე მოურინიო თავის გუნდს ჩემპიონთა ლიგის ფავორიტად არ თვლის. მისი აზრით, ლონდონელები მხოლოდ პრეტენდენტთა მეორე ეშელონში არიან, ხოლო ყველა გუნდს შორის “ბაიერნი”, “რეალი” და “ბარსელონა” გამოირჩევიან.
“ბაიერნი” ევროპის ჩემპიონი და ტოპ-კლუბია. მას ახალი მწვრთნელი ჰყავს, მაგრამ ფეხბურთელები იგივე დარჩნენ. წარმოუდგენლად სტაბილური გუნდია. გასულ სეზონში “ბაიერნმა” ჩემპიონთა ლიგა მოიგო, ერთი წლით ადრე და 2010 წელს კი, ფინალში ითამაშა. ამ დონეზე ასეთი სტაბილურობა შესაშურია. კიდევ “ბარსელონა” და “რეალი” არიან. ეს სამი გუნდი აშკარად გამოირჩევა” – იუწყება მოურინიოს სიტყვებს უეფას ოფიციალური ვებგვერდი.
