ინგლისის საფეხბურთო ასოციაციამ ლონდონის “ჩელსის” მთავარ მწვრთნელ ჟოზე მოურინიოს “კარდიფ სიტისთან” მიმდინარე მატჩისას შეუფერებელი საქციელი არ აპატია და დისკვალიფიკაცია გამოუწერა.
ლონდონელებმა ის თამაში 4:1 მოიგეს, მოურინიო კი მოედნიდან 70-ე წუთზე მთავარ მსაჯ ენტონი ტეილორთან კონფლიქტის გამო გააძევეს.
“ჩელსის” მთავარი მწვრთნელი ჟოზე მოურინიო 19 ოქტომბერს “კარდიფ სიტისთან” გამართული მატჩის მსვლელობისას უღირს ქმედებაშია ბრალდებული. მას ჩვენი გადაწყვეტილების გასაჩივრება 24 ოქტომბრის 6 საათამდე შეუძლია” - წერია ინგლისის საფეხბურთო ასოციაციის ოფიციალურ განცხადებაში.
ინგლისის პრემიერლიგის მე-9 ტურში “ჩელსი” “სტემფორდ ბრიჯზე” “მანჩესტერ სიტის” მასპინძლობს. თუ პორტუგალიელი საკუთარი ქმედების ახსნა-განმარტებას არ წარადგენს, რომელსაც საფეხბურთო ასოციაცია დამაკმაყოფილებლად მიიჩნევს, ის ამ მატჩში გუნდის ხელმძღვანელობას ვერ შეძლებს.
