ტურინის “იუვენტუსს” მადრიდის “რეალის” თავდამსხმელის – ალვარო მორატას გადაბირება სურს. ამის შესახებ La Gazzetta dello Sport-ი იუწყება.

აღნიშნული წყაროს ინფორმაციით, ტურინელები მადრიდში მოსალაპარაკებლად უკვე გაფრინდნენ. იტალიელებს სურთ გაიგონ, რამდენად რეალურია ახალგაზრდა ესპანელის ტრანსფერი ან იჯარით აყვანა.

აღსანიშნავია, რომ მორატას ხილვა ლონდონის “არსენალსაც” სურს, მაგრამ “რეალმა” ინგლისელთა წინადადებას მტკიცე უარით უპასუხა.