“ვესტ ჰემთან” გამარჯვების შემდეგ, “მანჩესტერ იუნაიტედის” თავკაცმა დევიდ მოიესმა უეინ რუნისადმი საქებარი სიტყვები არ დაიშურა. შოტლანდიელმა სპეციალისტმა ინგლისელ ფორვარდში ლიდერის თვისებები გამოარჩია.

“რუნიმ ბრწყინვალედ ითამაშა. ის ბურთის მისაღებად უკან იხევდა და თამაშს თავის თავზე იღებდა. ეს ძალიან კარგია. იცით, რას ვამჩნევ უეინს? მას ლიდერობისთვის საჭირო ყველა უნარი აქვს. ვხედავ ადამიანს, რომელიც პასუხისმგებლობას თავის თავზე იღებს. რუნი იმ ასაკს უახლოვდება, როცა ხვდები, რომ პატარა ბიჭი აღარ ხარ. უეინი გუნდში ერთ-ერთი ყველაზე გამოცდილია. რუნი “მანჩესტერის” ლეგენდობასთან ძალზე ახლოსაა”, - განუცხადა მოიესმა ბრიტანელ ჟურნალისტებს.

შეგახსენებთ, რომ “მანჩესტერმა” “ვესტ ჰემს” 3:1 სძლია.