“მანჩესტერ იუნაიტედის” მთავარი მწვრთნელი დევიდ მოიესი ჩემპიონთა ლიგის მოგებისთვის ბრძოლას აპირებს.

“ჩემპიონთა ლიგის ფინალში ყოველთვის საუკეთესო გუნდები არ ხვდებიან. 2005 წლის “ლივერპულის” მაგალითი იმედებს გვაძლევს. სათასო ტურნირებში შანსი ყველას აქვს.

ჯერ კიდევ ჩემპიონთა ლიგის დაწყებამდე ვიცოდი, რომ ტურნირი ძალიან რთული იქნებოდა. “ბაიერნი”, “ბარსელონა”, “რეალი” და პსჟ ლიგის მოგების მთავარი ფავორიტები არიან. თუმცა, მიმაჩნია, რომ ტიტულის მოგებისთვის ბრძოლა “მანჩესტერსაც” შეუძლია.” – ციტირებს მოიესის სიტყვებს Goal-ი.

მიმდინარე სეზონში, “მანჩესტერს”, პრემიერლიგაში, საქმეები ცუდად მისდის. ჩემპიონთა ლიგის ჯგუფური ეტაპი კი, “წითელმა ეშმაკებმა” წაუგებლად გაიარეს.