კატალონიის “ბარსელონას” ფორვარდ ლიონელ მესის “კამპ ნოუზე” თავისი თანამემამულის – გონსალო იგუაინის ხილვა სურს. გავრცელებული ინფორმაციით, “ბლაუგრანა” “ნაპოლის” ფორვარდის შეძენას გეგმავს.
“კონკრეტულს ვერაფერს გეტყვით, რადგან ახლა ბარსელონაში არ ვარ. ამ ტრანსფერის შესახებ იგუაინს ვესაუბრე. კლუბში მასთან ერთად თამაში ძალიან მინდა, რადგან გონსალო მსოფლიოში ერთ-ერთი საუკეთესო ფორვარდია”, - განუცხადა მესიმ ესპანურ მედიას.
ჯერჯერობით, ნეაპოლელები შესაძლო ტრანსფერთან დაკავშირებით კომენტარს არ აკეთებენ და გავრცელებულ ინფორმაციას ჟურნალისტების მოგონილად მიიჩნევენ.
