ლიონელ მესი ესპანეთის პრიმერა დივიზიონის 31-ე ტურში, “სარაგოსასთან” კვირას გასამართ მატჩს გამოტოვებს. ამის შესახებ “ბარსელონას” ოფიციალური ვებგვერდი იუწყება.

2 აპრილს, ჩემპიონთა ლიგის 1/4-ფინალში, პსჟ-სთან გამართულ მატჩში ბარძაყის კუნთის ტრავმა მიიღო, ხოლო საპასუხო თამაშში მოედანზე შეცვლაზე შევიდა. სჩანს, “ბარსას” სამწვრთნელო შტაბი ტრავმის რეციდივს მოერიდა და არგენტინელი დაასვენა.

მის გარდა, “სარაგოსას” წინააღმდეგ, სხვადასხვა მიზეზების გამო, ხოსე პინტო, ანდრეს ინიესტა, ხორდი ალბა და სერხიო ბუსკეტსი არ ითამაშებენ.