“ბარსელონას” შემტევმა ლიონელ მესიმ, რომელმაც ესპანეთის პრიმერა დივიზიონის 35-ე ტურში, მადრიდის “ატლეტიკოსთან” მოგებულ (2:1) მატჩში ტრავმა მიიღო, დამატებითი სამედიცინო შემოწმება გაიარა.

საფეხბურთო კლუბ “ბარსელონას” ოფიციალური ვებგვერდის ცნობით, არგენტინელს ბარძაყის უკანა კუნთი აქვს დაზიანებული. კატალონიელთა სამედიცინო შტაბის პროგნოზით, მესი 2-3 კვირას გამოტოვებს. მიმდინარე სეზონში არგენტინელი მოედანზე აღარ გავა.