ზამთრის სატრანსფერო სეზონში, იტალიური “ნაპოლი” ლისაბონის “ბენფიკას” ნახევარმცველის – ნემანია მატიჩის შეძენას ეცდება. აპენინური პრესის ცნობით, პორტუგალიელები ოფიციალურ სატრანსფერო წინადადებას იანვარში მიიღებენ.

25 წლის სერბის კონტრაქტის გამოსასყიდი თანხა 50 მილიონი ევროა, მაგრამ ცხადია, რომ ნეაპოლელები ამხელა თანხის გადახდას არ აპირებენ. საგულისხმოა, რომ “ნაპოლის” მატიჩისთვის ბრძოლაში კონკურენტები მრავლად ჰყავს. ნახევარმცველის გადაბირება “მანჩესტერ იუნაიტედსა” და მადრიდის “რეალსაც” სურთ.

ცნობისათვის, პორტუგალიის ჩემპიონატის მიმდინარე სეზონში, მატიჩმა 12 მატჩი ჩაატარა და 2 გოლით გამოირჩა.