იტალიური “რომას” ახალგაზრდა ცენტრალური მცველი მარკინიოსი აცხადებს, რომ ის მხოლოდ რომაულ გუნდში თამაშსა და საკუთარი შესაძლებლობების გაუმჯობესებაზე ფიქრობს.
გავრცელებული ინფორმაციით, 19 წლის ბრაზილიელი ფეხბურთელის შეძენით არაერთი გუნდია დაინტერესებული. ყველაზე მეტად “ბარსელონა” აქტიურობს, რომლის პრიორიტეტიც სწორედ დაცვის ცენტრის გაძლიერებაა.
“რომასთან” 4-წლიანი კონტრაქტი მაკავშირებს და მხოლოდ ამ გუნდში თამაშზე ვფიქრობ. თუ სხვა კლუბებიდან კონკრეტული შემოთავაზება მექნება, მათ ჩემი აგენტი განიხილავს. თუმცა, ამ ეტაპზე, საკუთარი თამაშის გაუმჯობესებაზე ვარ ფოკუსირებული.
სიმართლე გითხრათ, არ ველოდი, რომ იტალიის ჩემპიონატთან ადაპტაციას ასე სწრაფად გავივლიდი. თუმცა, როგორც გაირკვა, ყველა ის თვისება გამაჩნია, რომელიც იტალიაში წარმატებით სათამაშოდაა საჭირო.” – აცხადებს მარკინიოსი.
