დიდი ალბათობით, მიუნხენის “ბაიერნის” ფორვარდი მარიო მანჯუკიჩი კარიერას მადრიდის “ატლეტიკოში” განაგრძობს. “მარკას” ცნობით, ხორვატი თითქმის უკვე დიეგო სიმეონეს გუნდშია.
თავდამსხმელის სანაცვლოდ, გერმანელები დაახლოებით 20 მილიონ ევროს მიიღებენ. მადრიდელები მანჯუკიჩს ლონდონის “ჩელსიში” გადასული დიეგო კოსტას შემცვლელად განიხილავენ.
ცნობისათვის, მანჯუკიჩს “ბაიერნის” მაისურით 88 მატჩი ჩაუტარებია და 48 გოლი გაუტანია.
