ინგლისის “მანჩესტერ იუნაიტედს” გუნდის კაპიტნის ნემანია ვიდიჩის შენარჩუნება სურს.
ბრიტანული გამოცემა Guardian-ის ინფორმაციით, კლუბის ხელმძღვანელობა სერბი ფეხბურთელისთვის ახალი კონტრაქტის შეთავაზებას გეგმავს.
ვიდიჩს მანჩესტერელებთან კონტრაქტი მიმდინარე სეზონის ბოლოს უმთავრდება და მისი შეძენის სურვილი უკვე რამდენიმე კლუბმა გამოთქვა.
ვიდიჩი, რომელიც ამჟამად 32 წლისაა, “მანჩესტერ იუნაიტედში” 2005 წლის დეკემბერში მოსკოვის “სპარტაკიდან” 7 მილიონი გირვანქა სტერლინგის საფასურად გადავიდა. განვლილ პერიოდში მან ინგლისურ კლუბში ყველა ტურნირზე 281 მატჩი ჩაატარა და 21 გოლი გაიტანა.
