22 წლის იტალიელი თავდამსხმელი ფედერიკო მაკედა კარიერას “კარდიფში” განაგრძობს. ამ ინფორმაციას უელსური გუნდი ადასტურებს.

მაკედას “მანჩესტერთან” კონტრაქტი მიმდინარე წლის ივნისის ბოლოს უმთავრდება. “წითელმა ეშმაკებმა” იტალიელ შემტევთან ხელშეკრულების გახანგრძლივება არ ისურვეს, რითიც “კარდიფმა” ისარგებლა.

ფედერიკო მაკედა “მანჩესტერის” პირველ გუნდში 2009 წელს გამოჩნდა. მან გოლი სადებიუტო შეხვედრაში გაიტანა და გუნდს “ასტონ ვილასთან” 3:2 მოაგებინა. წარმატებული სტარტის მიუხედავად, “მანჩესტერში” იტალიელის კარეირა არ აეწყო. ის 5 გუნდში იყო განათხოვრებული, რის შემდეგაც “კარდიფს” მიაშურა.