ინგლისური “ლივერპული” თავდამსხმელ ლუის სუარესს იმ შემთხვევაში დათმობს, თუკი ურუგვაელის მსურველი მადრიდის “რეალი” თანხასთან ერთად ალვარო მორატასაც შეელევა. ამის შესახებ Mirror-ი იუწყება.
მოგეხსენებათ, მერსისაიდელები სამხრეთამერიკელ მეგოლეს 40 მილიონ გირვანქა სტერლინგად აფასებენ. თუკი მადრიდელები მორატასაც დათმობენ, შედარებით ნაკლები თანხის დამატება მოუწევთ.
თავის მხრივ, 20 წლის მორატა ესპანეთის ახალგაზრდული ნაკრების ერთ-ერთი წამყვანი ფეხბურთელია, მაგრამ “სანტიაგო ბერნაბეუზე” თავის გამოჩენის ბევრი შანსი ნამდვილად არ ეძლევა. აქედან გამომდინარე, ესპანელი კლუბის შეცვლის წინააღმდეგი არაა.
