“ლივერპულის” სამწვრთნელო შტაბი მადრიდის “ატლეტიკოს” თავდამსხმელით დიეგო კოსტათი დაინტერესდა. ესპანური სპორტული გამოცემების ცნობით, მერსისაიდელები უკვე შეეხმიანენ მადრიდელებს და ტრანსფერის სანაცვლოდ 24 მილიონი ევრო შესთავაზეს.
პრიმერა დივიზიონის გასული სეზონი დიეგო კოსტამ საკმაოდ ძლიერად ჩაატარა და “ლივერპული” არაა ერთადერთი კლუბი, რომელსაც მისი გადაბირება სურს, მაგრამ წინასწარი ინფორმაციით, “ატლეტიკოს” მთავარი მწვრთნელი დიეგო სიმეონე ფეხბურთელის გაშვების წინააღმდეგია.
