ინგლისის “ლივერპული” ცენტრალურ მცველ მარტინ შკრტელთან განშორებას არ გეგმავს.
ბოლო პერიოდში, 28 წლის სლოვაკმა გუნდის სასტარტო შემადგენლობაში ადგილი დაკარგა და ბრიტანულ პრესაში ვარაუდობდნენ, რომ სეზონის დასრულების შემდეგ, ის გუნდს დატოვებდა. თუმცა, “ლივერპულის” თავკაცმა ბრენდან როჯერსმა განაცხადა, რომ შკრტელის გაყიდვას არ გეგმავს.
“კარგად მესმის, რომ შკრტელს არცთუ იოლი პერიოდი უდგას. ამის მიუხედავად, მარტინი პროფესიონალად რჩება და ვარჯიშებზე ოფლის ბოლო წვეთის დაღვრამდე იხარჯება. შესაძლოა, შკრტელს უბრალოდ არ გაუმართლა, რომ ჩვენს გუნდში კარაგერი და აგერი არიან, მაგრამ მისი იმედი გვაქვს. მარტინის გაყიდვას არ ვაპირებთ”, – იუწყება შკრტელის სიტყვებს ლივერპოოლეცჰო.ცო.უკ-ი.
