ძიუდოს საერთაშორისო ფედერაციამ მსოფლიოს ახალი რეიტინგი გამოაქვეყნა და მამაკაცთა შორის შვიდი წონითი კატეგორიიდან ორს ქართველი ძიუდოისტი ლიდერობს. 81 კილოგრამს უკვე დიდი ხანია სათავეში ავთანდილ ჭრიკიშვილი უდგას და პარიზის გრანდ სლემის ჩემპიონობით კიდევ უფრო გაიმყარა პოზიცია. 90 კილოგრამში კი აქამდე მეორე საფეხურზე მდგომმა ვარლამ ლიპარტელიანმა ფრანგულ ტატამზე აღებული ვერცხლით აწ უკვე ყოფილი ლიდერი, კუბელი ეშლი გონსალესი უკან მოიტოვა.
პარიზში პოდიუმზე საქართველოს ნაკრების უმსუბუქესი წევრი ამირან პაპინაშვილიც ავიდა. მან ლიპარტელიანის მსგავსად ვერცხლის მედალი მოიპოვა, მაგრამ 60 კილოგრამში გასალიდერებლად ეს არ ეყო. თუმცა ლიდერთან, იაპონელ ნაოჰიშა ტაკატოსთან თითქმის 1100-ქულიანი ჩამორჩენა 664 ქულამდე შეამცირა.
დაწინაურების კარგი შანსი ვერ გამოიყენა მძიმეწონოსანმა ადამ ოქრუაშვილმა, რომელმაც გრანდ სლემზე უჩვეულოდ სუსტად იჭიდავა და ახალ რეიტინგშიც მესამე ადგილს იკავებს.
ჩამოთვლილი ოთხი ქართველი ძიუდოისტის გარდა, საუკეთესო ათეულში ადგილს ლაშა შავდათუაშვილი (66 კგ. მე-9) და ლევან წიკლაურიც (81 კგ. მე-8) ინარჩუნებენ, მაგრამ შავდათუაშვილისთვის ეს ბევრს არაფერს ნიშნავს, რადგან წონის შეცვლა გადაწყვიტა და 73 კილოგრამში ყველაფერი ნულიდან უნდა დაიწყოს. ამ წონით კატეგორიაში ბოლო მონაცემებით ზებედა რეხვიაშვილი მე-13 ადგილზეა, ხოლო ნუგზარ ტატალაშვილი 25-ეა.
ყველაზე უსიამოვნო სიტუაცია კი კვლავ 100 კილოგრამშია - საქართველოს ნაკრების წევრთაგან ყველაზე საიმედო რეიტინგი ალექსანდრე მსხალაძეს აქვს, რომელიც 59-ე ადგილზეა.
ქვემოთ შვიდივე წონითი კატეგორიის მოწინავე ხუთეულებს და ყველა ქართველი ძიუდოისტის პირად რეიტინგს გთავაზობთ.
60 კგ
1 ნაოჰიშა ტაკატო (იაპონია) 2720
2 ამირან პაპინაშვილი 2056
3 ბოლდბაატარ განბატი (მონღოლეთი) 1960
3 ამარტუვშინ დაშდავაა (მონღოლეთი) 1912
5 ვონ ჯინ კიმი (სამხრეთ კორეა) 1360
40 ბეთქილ შუკვანი 306
76 პაატა მერებაშვილი 124
82 ლუხუმ ჩხვიმიანი 120
121 გიორგი მესაბლიშვილი 60
184 ვაჟა მარგველაშვილი 18
247 გიორგი ბროლაშვილი 2
247 ლერი ჭელიძე 2
66 კგ
1 ტუმურხულეგ დავაადორჟი (მონღოლ) 1756
2 ჩარლეს ჩიბანა (ბრაზილია) 1360
3 მასაში ებინუმა (იაპონია) 1320
4 ტომოფუმი ტაკაიო (იაპონია) 1286
5 გიორგი ზანტარაია (უკრაინა) 1182
9 ლაშა შავდათუაშვილი 1028
32 შალვა ქარდავა 390
44 ტრისტან ფეიქრიშვილი 281
149 თორნიკე თათარაშვილი 42
160 ვაჟა მარგველაშვილი 36
221 კახა ცაგარელი 12
243 სანდრო იაკობაშვილი 8
256 ვანიკო თოთლაძე 6
289 გიორგი ქალდანი 2
73 კგ
1 ნიამ-ოჩირ საინიარგალი (მონღოლ) 1841
2 დირკ ვან ტიჩელტი (ბელგია) 1688
3 როკ დრაკშიჩი (სლოვენია) 1404
4 დექს ელმონი (ჰოლანდია) 1244
5 გი-მან ბანგი (სამხრეთ კორეა) 1240
13 ზებედა რეხვიაშვილი 852
25 ნუგზარ ტატალაშვილი 535
155 არსენ მაჭარაშვილი 42
162 ზურაბ ნოზაძე 38
163 ამბაკო ავალიანი 36
269 გიორგი პაპუნაშვილი 8
311 ფრიდონ გიგანი 2
81 კგ
1 ავთანდილ ჭრიკიშვილი 2478
2 ლუის პიეტრი (საფრანგეთი) 2046
3 ვიქტორ პენალბერი (ბრაზილია) 1398
4 ჯაე-ბუმ კიმი (სამხრეთ კორეა) 1160
5 ივან ნიფონტოვი (რუსეთი) 1080
8 ლევან წიკლაური 952
82 უშანგი მარგიანი 120
158 ლაშა ზურაბიანი 42
179 ბექა ღვინიაშვილი 30
213 პაატა ღვინიაშვილი 14
251 იასონ ჩილინდრიშვილი 8
90 კგ
1 ვარლამ ლიპარტელიანი 2486
2 ეშლი გონზალესი (კუბა) 2404
3 კირილ დენისოვი (რუსეთი) 1696
4 ილიას ილიადისი (საბერძნეთი) 1642
5 კიუ-ვონ ლი (სამხრეთ კორეა) 1128
18 ზვიად გოგოჭური 512
97 ბექა ღვინიაშვილი 84
171 ლაშა ტაველური 20
220 ზურაბ ზვიადაური 8
246 პაატა ღვინიაშვილი 2
100 კგ
1 ელხან მამადოვი (აზერბაიჯანი) 2376
2 ლუკაშ კრპალეკი (ჩეხეთი) 2068
3 სირილ მარე (საფრანგეთი) 1725
4 ჰენკ ხროლი (ჰოლანდია) 1680
5 რამზიდინ საიდოვი (უზბეკეთი) 1253
41 ლევან ჟორჟოლიანი 286
56 ირაკლი ცირეკიძე 164
59 ალექსანდრე მსხალაძე 158
85 დავით ლორიაშვილი 98
95 ნოდარ მეტრეველი 82
112 ბექა ბერძენიშვილი 60
112 ვარლამ ლიპარტელიანი 60
150 ლაშა გურული 31
190 გიორგი ნოზაძე 10
208 გურამ თუშიშვილი 2
+100 კგ
1 რაფაელ სილვა (ბრაზილია) 2090
2 ტედი რინერი (საფრანგეთი) 1900
3 ადამ ოქრუაშვილი 1634
4 ფაიცელ ჯაბალაჰი (ტუნისი) 1508
5 სუნგ-მინ კიმი (სამხრეთ კორეა) 1316
26 ლევან მატიაშვილი 418
54 ნოდარ მეტრეველი 160
90 გიორგი ზაქარიაძე 81
94 ონისე ბუღაძე 70
120 ზვიად ხანჯალიაშვილი 40
177 როსტომ ხახალეიშვილი 2
