გერმანული “ლევერკუზენის” ერთ-ერთმა ხელმძღვანელმა ვოლფრანგ ჰოლცჰოიზერმა განაცხადა, რომ თუკი ყველაფერი გეგმაზომიერად წარიმართება, თავდამსხმელი ანდრე შიურლე კარიერას ლონდონის “ჩელსიში” განაგრძობს. Tribalfootball-ის ცნობით, მხარეებს შეთანხმება უკვე მიღწეული აქვთ და მცირე ფორმალობებია დარჩენილი.

“გარკვეული თანხის საფასურად, “ჩელსი” ჩვენს ფორვარდ შიურლეს შეიძენს, მის ნაცვლად კი, კევინ დე ბრუინეს იჯარით ავიყვანთ”, - განაცხადა ჰოლცჰოიზერმა.

ცნობისათვის, გერმანიის ბუნდესლიგის გასულ სეზონში, შიურლემ 28 მატჩი ჩაატარა, სადაც 9 გოლითა და 5 საგოლე გადაცემით გამოიჩინა თავი.