ლონდონის “ჩელსი” დორტმუნდის “ბორუსიას” ფორვარდ რობერტ ლვანდოვსკისთვის ბრძოლაში ჩაერთო. როგორც ირკვევა, “არისტოკრატთა” ახლადდანიშნულ თავკაც ჟოზე მოურინიუს ფერნანდო ტორესსა და დემბა ბას შორის არსებული კონკურენცია არ აკმაყოფილებს და მათთვის კონკურენტის გამოძებნაზე ფიქრობს. შედეგად, ლონდონელები მზად არიან პოლონელი თავდამსხმელის სანაცვლოდ 25 მილიონი გირვანქა გადაიხადონ. შეგახსენებთ, რომ ლევანდოვსკისადმი ინტერესს “ბაიერნი”, “მანჩესტერ იუნაიტედი”, “ბარსელონა” და “რეალიც” გამოხატავენ.