დანიაში ევროპის ხელბურთის ფედერაციის მიერ მოწყობილ მწვრთნელთა კურსებზე გაემგზავრა კლუბ “პეგასის” მწვრთნელი ლევან გელაშვილი.

სემინარი 12-18 იანვარს გაიმართება ქალაქ სილკებორგში. მონაწილეები ქალაქ ორჰუსში, ევროპის ჩემპიონატის პირველი ჯგუფური ეტაპის მატჩებსაც დაესწრებიან.

მწვრთნელთა კურსები იმართება “რინკის კონვენციის“ ფარგლებში. კონვენციას ხელი 2000 წელს მოეწერა 6 დამფუძნებელი ქვეყნის მიერ, შემდგომში კი მონაწილეთა რიცხვი 33 ქვეყნამდე გაიზარდა.

2014 წელს ამ შეთნხმების ფარგლებში 3 კონფერენციაა დაგეგმილი – პირველი ნაწილი სილკებორგში იმართება, მეორე – ივნის-ივლისში, ხოლო მესამე რაუნდი დეკემბერში, ავსტრიასა და ხორვატიაში დანიშნულ ევროპის ქალთა ჩემპიონატს ემთხვევა.

ის, ვინც სამივე კურსს წარმატებით გაივლის, მიიღებს ევროპის ხელბურეთის ფედერაციის პროფესიულ სამწვრთნელო ლიცენზიას.

www.geohandball.ge