ტურინის “იუვენტუსის” ნახევარმცველი კვადვო ასამოა ალექსის სანჩესის “ბებერ სინიორაში” შესაძლო გადასვლის თემას ეხმაურება და აცხადებს, რომ თუ მართლაც ასე მოხდა, იტალიელები გაძლიერდებიან.

2008-2011 წლებში, ასამოა და სანჩესი ერთად “უდინეზეში” თამაშობენ და განელმა ჩილელი შემტევის შესაძლებლობები კარგად იცის. სანჩესის “ბარსელონაში” ტრანსფერმა აშკარად ვერ გაამართლა და გასაკვირი არაა, რომ მისი იტალიაში შესაძლო დაბრუნების შესახებ ცნობების გავრცელება დაიწყო. სამხრეთ ამერიკელი ფეხბურთელის მსურველ კლუბთა შორის “იუვენტუსიც” მოიაზრება.

“სანჩესი არაერთ შესანიშნავ თვისებას ფლობს. ის სწრაფი და ჭკვიანი ფეხბურთელია. ასეთი მოთამაშის ჩვენს გუნდში ხილვით მოხარული ვიქნები, რადგან მას ჩვენთვის ბევრი სარგებლის მოტანა შეუძლია.” – ციტირებს ასამოას სიტყვებს Corriere dello Sport-ი.