ფლორენციის “ფიორენტინამ” ნახევარმცველი ხუან კვადრადო 34 მილიონ ევროდ შეაფასა. ამის შესახებ აპენინური მედიასაშუალებები იუწყებიან.

მოგეხსენებათ, 26 წლის კოლუმბიელით კატალონიის “ბარსელონაა” დაინტერესებული და მისი შეძენის ვარიანტს აქტიურად განიხილავს. სადღეისოდ, კვადრადო კოლუმბიის ნაკრებთან ერთად მსოფლიოს ჩემპიონატზე იმყოფება და საკმაოდ წარმატებულადაც ასპარეზობს.

ცნობისათვის, კვადრადომ იტალიის ჩემპიონატის გასულ სეზონში 32 მატჩი ჩაატარა, სადაც 11 გოლი და 9 საგოლე პასი მიითვალა.