"მანჩესტერ იუნაიტედი" მზადაა კოლუმბიის ეროვნული ნაკრების და "ფიორენტინას" ნახევარმცველ ხუან კუადრადოში 39 მილიონი ევრო გადაიხადოს. აღნიშნულ ინფორმაციას იტალიური მედია ავრცელებს.
რამდენიმე დღის წინ "იების" პრეზიდენტმა ანდრეა დელა ვალემ განაცხადა, რომ კლუბს კუადრადოს შენარჩუნება სურს, მაგრამ თუ 50 მილიონ ევროიან შემოთავაზებას მიიღებენ, უარის თქმა გაუჭირდებათ.
იმ შემთხვევაში თუ "მანჩესტერში" არტურო ვიდალის ტრანსფერი არ განხორციელდება, ინგლისელები კუადრადოზე გადაერთვებიან.
გიორგი ბალახაძე
