“მილანის” ვეტერანმა ფორვარდმა ერნან კრესპომ, ჟურნალისტებთან საუბრისას აღნიშნა, რომ ფერნანდო ტორესი მშვენიერი შენაძენია “როსონერისთვის”.

“ტორესი დიდი თავდამსხმელია. ის ძალიან ძლიერია საჯარიმოში, სწრაფია და დიდ სივრცეს ქმნის შეტევაში. მიმაჩნია, რომ ესპანელი, ბალოტელის ღირსეულად შეცვლის. მას ბევრის გაკეთება შეუძლია “მილანისთვის”, – ციტირებს ვეტერანი არგენტინელის სიტყვებს La Gazzetta dello Sport-ი.

შეგახსებთ, რომ “მილანმა” ტორესი ორწლიანი იჯარით აიყვანა “ჩელსიდან”. სავარაუდოდ, მისი დებიუტი კვირას, “პარმასთან” შეხვედრაში შედგება.

ირაკლი ალიმბარაშვილი