“კარდიფის” ვეტერანი ფორვარდი კრეიგ ბელამი საფეხბურთო კარიერის დასრულების შემდეგ მწვრთნელობას გეგმავს. 34 წლის უელსელი ამისათვის უკვე სერიოზულად ემზადება.

“ბუცების ლურსმანზე დაკიდების შემდეგ, სხვა რა უნდა ვაკეთო? თავგადასავლები ახლა იწყება. 17-18 წლიდან პროფესიონალურ დონეზე ვთამაშობ და ფეხბურთი ძალიან მიყვარს. A კატეგორიის სამწვრთნელო ლიცენზია უკვე მაქვს, ახლა კი, პრო-ლიცენზიის ასაღებად ვემზადები. ამის შემდეგ ესპანეთს, არგენტინასა და სხვა ქვეყნებს მოვივლი, რათა სამწვრთნელო საქმიანობას მომზადებული შევხვდე”, - განუცხადა ბელამიმ Sky Sports-ს.

ცნობისათვის, პარასკევს, ბელამიმ უელსის ეროვნული ნაკრების მაისურით 75-ე მატჩი ჩაატარა.