კოსტა რიკის ფეხბურთელთა ეროვნულ გუნდს მსოფლიო ჩემპიონატზე ალვარო საბორიო დააკლდება.
სააგენტო Reuters-ის ინფორმაციით, “რეალ სოლტ-ლეიკის” თავდამსხმელმა გუნდის ერთ-ერთ ვარჯიშზე ტერფის ძვალი მოიტეხა. ექიმების პროგნოზით, თავდამსხმელს მწყობრში დაბრუნებისთვის დაახლოებით 6 თვე დაჭირდება.
აღსანიშნავია, რომ საბორიო კოსტა-რიკის ნაკრების ერთ-ერთი ყველაზე გამოცდილი ფეხბურთელია - 93 მატჩში 32 გოლი.
შეგახსენებთ, რომ მუნდიალის ჯგუფურ ეტაპზე კოსტარიკელები ინგლისის, იტალიისა და ურუგვაის ნაკრებებს დაუპირისპირდებიან.
