“იუვენტუსის” მთავარმა მწვრთნელმა ანტონიო კონტემ “სამპდორიასთან” მინიმალური ანგარიშით მოგებული მატჩის შემდეგ გოლის ავტორი კარლოს ტევესი აქო.
“ტევესი საქმეს საოცარი მონდომებით უდგება. იგი არა მარტო მინდორზე, არამედ მის გარეთაც ძალიან ბევრს მუშაობს საკუთარ თავზე. ისე პროგრესირებს, როგორც ლიორენტე და ოგბონა” – განაცხადა კონტემ.
ტურინული კლუბის თავკაცმა “სამპდორიასთან” შეხვედრაში საგოლე გადაცემის ავტორ პოლ პოგბაზეც ისაუბრა და აღნიშნა, რომ ამ ფეხბურთელის შემართებით ძალიან კმაყოფილია.
