ტურინის "იუვენტუსის" მთავარი მწვრთნელი, ანტონიო კონტე ჯერ არდასრულებული სეზონით კმაყოფილია. "ბებერი ქალბატონი" იტალიის სერია A-ში პირველ ადგილზეა და ევროპის ლიგის ფინალში გასვლის შანსიც აქვს.

"ამაღელვებელი სეზონია. ჩვენ ორ ფრონტზე ვიბრძვით. "იუვენტუსმა" გამოწვევები მიიღო და თავს მშვენივრად ართმევს. მართალია, ჩემპიონთა ლიგაზე არ გვიმართლებს, მაგრამ ევროპის ლიგის მოგებაც ურიგო არ იქნება. რაც შეეხება მომავალ დაპირისპირებას, "სასუოლო" შეეცდება ქულები დაგვაკარგვინოს, მაგრამ ჩვენ მოსაგებად ვიბრძოლებთ, რადგან ჩემპიონობა გვსურს." _ განაცხადა კონტემ

"სასუოლოსა" და "იუვენტუსის" დაპირისპირება ორშაბათს თბილისის დროით 22:45 საათზე დაიწყება. ტურინელები ჩემპიონატს 90 ქულით ლიდერობენ.

გიორგი ბალახაძე