ტურინის "იუვენტუსის" მწვრთნელმა ანტონიო კონტემ პრესკონფერენციაზე განაცხადა, რომ მათ მიმართ გამოთქმული კრიტიკა გუნდს მოტივაციას მატებს.
იტალიის ჩემპიონებმა ჩემპიონთა ლიგაზე "კოპენჰაგენს" ვერ მოუგეს (1:1). ანტონიო კონტე ამ მატჩის დავიწყება სურს და ჩემპიონატში წარმატებული სტარტის გაგრძელება უნდა.
"კრიტიკა? მსგავს სიტუაციაში წინა სეზონშიც ვიყავით. ჩვენ ვიცით რა შეგვიძლია და ეს უბრალოდ მოტივაციას გვმატებს".
იტალიელმა სპეციალისტმა ჩემპიონატში "ნაპოლის", "ინტერის" და "რომას" წარმატებულ სტარტზეც ისაუბრა.
"ამ გუნდების ჩინებული სტარტი არ გამკვირვებია. როგორც ვამბობდი, მათ ტიტულისთვის ბრძოლა შეუძლიათ. სწორედ ასეთ კონკურენციაში გვჭირდება გამარჯვების მიღწევა და ეს ასახავს ჩემპიონატის უმაღლეს დონეს".
"იუვენტუსი" "ვერონას" კვირას შინ დაუხვდება. "ბებერი ქალბატონი" იტალიის ჩემპიონატში 7 ქულით მეოთხე ადგილზე იმყოფება და ლიდერებს "ნაპოლისა" და "რომას" ორი ქულით ჩამორჩება.
გიორგი ბალახაძე
