“იუვენტუსის” მთავარმა მწვრთნელმა ანტონიო კონტემ უეფას ევროპის ლიგის მეოთხედფინალში “ლიონის” ძლევას კანონზომიერი მოვლენა უწოდა. ტურინული კლუბის თავკაცი შეგირდების გარჯით ამაყობს.
“ათ წელიწადზე მეტია, “იუვენტუსი” ევროთასების ნახევარფინალში არ გასულა. ამ პაუზის დასრულება ძალიან მახარებს და რაც მთავარია, მეოთხედფინალური ბარიერი დამაჯერებელი თამაშით გავიარეთ. ჩემი გუნდით ვამაყობ. ტურნირს უძლიერესი კლუბები შემორჩნენ და წინ ძალიან საინტერესო ბრძოლები გველის. იმედია “იუვენტუსის” თითოეული ფეხბურთელის შემართება და გულშემატკივრების მხარში დგომა სასურველ შედეგამდე მიგვიყვანს – უთხრა ანტონიო კონტემ იტალიურ გამოცემებს.
