“მანჩესტერ იუნაიტედის” ვეტერანმა ნახევარმცველმა მაიკლ კერიკმა “სანდერლენდთან” ინგლისის ლიგის თასის მატჩში ტრავმა მიიღო. ბრიტანული პრესის ცნობით, 32 წლის შუახაზელს დაახლოებით 3-5 კვირა გაუცდება.

მატჩის შემდეგ, “წითელი ეშმაკების” თავკაცმა დევიდ მოიესმა განაცხადა, რომ კერიკს ტერფი აქვს დაზიანებული. საგულისხმოა, რომ მიმდინარე სეზონში, აქილევსთან დაკავშირებული პრობლემების გამო, ინგლისელს 2 თვე გაუცდა.

დიდი ალბათობით, მანჩესტერელები სატრანსფერო ფანჯრის დახურვამდე ახალი ნახევარმცველით გაძლიერდებიან.