მადრიდის “რეალის” კაპიტან იკერ კასილიასს “მანჩესტერ იუნაიტედთან” უეფას ჩემპიონთა ლიგის 1/8-ფინალურ მატჩში თამაშის შანსი აქვს. Football Espana-ს ცნობით, “სამეფო კლუბის” თავკაცმა ჟოზე მოურინიომ ესპანელი 24-კაციან სამატჩო განაცხადში შეიყვანა.
მოგეხსენებათ, კასილიასს ხელზე თაბაშირი ედო და საკმაოდ დიდი დრო გაუცდა. უკანასკნელ დღეებში, ესპანელი ბურთთან ერთად ვარჯიშობდა, მაგრამ ხელზე სრულ დატვირთვას მაინც ვერ იღებდა.
შეგახსენებთ, რომ “რეალისა” და “მანჩესტერის” პირველი მატჩი ფრედ – 1:1 დასრულდა. საპასუხო შეხვედრა “ოლდ ტრაფორდზე”, სამშაბათს ჩატარდება.
