ჩემპიონთა ლიგიდან გავარდნის შემდეგ, ტურინის “იუვენტუსის” არგენტინელი ფორვარდი კარლოს ტევესი ევროთასებზე ყურადღების მოდუნებას არ აპირებს და ევროპის ლიგის მოგებაზე ფიქრობს.
“რაღა თქმა უნდა ევროპის ლიგის მოგება ჩვენი ერთ-ერთი უმთავრესი მიზანია. ჩემპიონთა ლიგიდან გავარდნა ყოველი ჩვენგანისთვის მძიმე დარტყმა იყო. ჯგუფური ეტაპის პირველ მატჩებში სათანადო განწყობით არ ვთამაშობდით და ამის გამო დავისაჯეთ” - განუცხადა ტევესმა Corriere della Sera-ს.
ევროპის ლიგის პლეი ოფის პირველ ეტაპზე “იუვენტუსის” მეტოქე თურქული “ტრაბზონსფორი” იქნება. თამაშები 20 და 27 თებერვალს გაიმართება.
