“ნაპოლის” ესპანელ შემტევს, ხოსე კალიეხონს სჯერა, რომ მის გუნდს, “რომასთან” 6-ქულიანი ჩამორჩენის მიუხედავად, მე-2 ადგილზე გასვლა შეუძლია.

“გვჯერა, რომ მე-2 ადგილზე გასვლა შეგვიძლია და ამ მიზნის მისაღწევად ყველაფერს გავაკეთებთ.

ჩვენი მიზანი ჩემპიონთა ლიგაზე მოხვედრაა და გვინდა, რომ ჯგუფურ ეტაპზე პირდაპირ მოვხვდეთ.

სკუდეეტო? “იუვენტუსი” ძალიან ძლიერი გუნდია, მაგრამ მომდევნო სეზონში ტიტულისთვის აუცილებლად ვიბრძოლებთ.” – აცხადებს კალიეხონი.

სერია A-ს დასრულებამდე 8 ტურით ადრე, “ნაპოლი” “რომას” 6 ქულით ჩამორჩება, მაგრამ რომაელებს ერთი თამაშით ნაკლები აქვთ ჩატარებული.