ქართველი ოქსანა კალაშნიკოვას და უკრაინელი ირინა ბურიაჩოკის წყვილმა, რომელიც “ბაქოს თასზე” (საპრიზო ფონდი 235 ათასი დოლარი) მე-2 ნომრადაა განთესილი, მე-2 მატჩიც მოიგო და ნახევარფინალში გააღწია, რისი წყალობითაც 130 სარეიტინგო ქულა გაინაღდა.

კალაშნიკოვამ და ბურიაჩოკმა მეოთხედფინალში ბელარუს ილონა კრემენს და რუმინელ მარინა მელნიკოვას 6:4, 7:5 სძლიეს. მომდევნო შეხვედრაში ქართულ-რუსული წყვილის მეტოქე იმ მატჩში ირკვევა, რომელშიც კიდევ ერთი ქართველი ჩოგბურთელი ითამაშებს.

ანა ტატიშვილის და სერბი ვესნა დოლონცის დუეტი მეოთხედფინალში ჩეხი დების – კაროლინა და კრისტინა პლისკოვების წყვილს გაეჯიბრება, რომელიც ბაქოს ტურნირზე მე-4 ნომრადაა განთესილი.

თურქეთში, სტამბულის 10-ათასიან ტურნირს მერვედფინალში გამოეთიშა ალექსანდრე მეტრეველი. ქართველმა ჩოგბურთელმა პუერტო რიკოელ ალექს ლომპარტთან 6:7 (8:10), 1:6 წააგო.